ماجامل واكلك يالغبت ناسيك
واصلاً بالمشاعر ليش اجاملك
كابلت النهر بلكت علي اتعود
خطف لوني النهر وماخطف ضلك
وينك ماترد مو عرك وجه الماي
من كدما اجيب شموع واشعلك
حبيتك كبل من شحو الحبوك
ومن كثرت احبابك نستك خلك
تصعد للنجم مو بس ردتلك هاي
ردت هوة النجم للكاع ينزلك
كلما تستلم حصة منام العين
حصة من السهر لليل تعزلك
شح مايك علي وتعرفني كولش زين
لوموت من العطش عطشان ماكلك
جفوف الزمتك لازم تحلك يوم
وهم ارجع الزمك وابد ماحلك ....!!!
الجمعة يوليو 29, 2011 8:01 pm
