احبك بس العشك ممنوع
لو احجي يكلولي عيب ولو اسكت جرح كلبي ابد ميطيب
وحرت بين الجرح والعيب وحرت أخاف اظل ساكت وراسي يشيب
وعفت المستحى بصفحه وكلت احجي وصيرن ذيب
يكلي احجي وأشلون احجي والحجي صار بعيني دموع
كتله القلب من يوم الشافك ولك مشلوع
احبك واليصير يصير والتحجيه الك مرجوع
احبك واليحب مو عيب عند الله العشك مشروع
صفن وتمعن بوجهي وكال حبك انت من يانوع
من نوع الجواه الضيم اكل لحمه ولواه وعافه بس اضلوع
احبك مثل حب الكاع لمن تحظن المزروع
احبك مثل حب الريم تتوازه ويا الموت لو شافت ابنها يجوع
احبك وانه ظلمة ليل وانت اللي تنورني وتصير شموع
احبك ماكدرت انساك رسمك بالجفن مطبوع
صفن وتمعن بوجهي وكال انطيني مهله اسبوع
واني سبع قرون صابر حتى الماي صار بحلكي مر مجروع
ابقى اتصارع وي الضيم ادكن بيه وارد مصروع
ولمن خلصت المده اجتني ورقه مكتوب على طارفها
احبك وبس العشك يمنا ممنوع
الأربعاء يوليو 06, 2011 3:40 am
